මත් කෙරෙන කවි වතුර

තෙත් හාදු බොන අතර

අත් දෙකේ ඔබ නිතර

ගුලිවෙලා හුන්

හිත් උයනෙ වී නතර

පත් ප්‍රේමයේ වැතිර

තත් වයන ගී මතුර

නැළවුණේ මං

මීදුමේ කඳු පතුල

සිහිකෙරෙන ඔය කොපුල

තුෂර පිනි කඳුලෙකත්

පිපුණේද මල්

ඒ මලෙක සිනිඳුවට

ලියූ වැහි ප්‍රස්තාර

ගීතවත් සානුවේ

ප්‍රේමයකි දැන්

පටු වීදි කෙළවරෙක

අලව අලවා දෙඇස

බැල්මකින් ඇල්ම පා

සැඟවුණේ නම්

නිල් අහසෙ වී නතර

රිදව රිදවා මතක

නැතිද තරු එළියකට

හදවතක් යම්.?

”

උහුලන්න බැරි තරම්

ප්‍රේමයෙන් පිරුණත්,

අහසකින් පවා තාරුකා අතහැරේ…

පෙම්වත; පෙම්පත් එවා සුළගේ ගිය පසු ජෑම් ගහ හෙවණට වී හඬන්නද මම පටු වේවැල් පුටුවේ කිටි කිටියේ හිරවීගෙන දෑත මුහුණේ ඔබාගෙන

පැරැණි දළ සේයා ඊට මතක, මතක් කරමින් ගස්ස ගස්සා පටු උරහිස් හඬන්නද? හඬනවා මෙන් හඟවන්නද?

පිළිතුරක් දෙන්න හොවෙහෙසන ඔබ පවා ආහනියෙන් පුරවන්න

‘ඒ පෙමපත් මා ලියුවේ නොවේ’ කියන්නට නොපැකිළෙහ ඔබ පවා තිගැස්වන්ත

හඬන්නද මම?

ඔව්!! අර ජෑම් ගහ හෙවණටම වී…

මට මගේ කවි සිත නිරුවත් කිරීමට අවශ්‍ය විය ! _______________________________ රේන්ඩ්‍රොප්ස් ඔන් ද පේයින් 𝐑𝐚𝐢𝐧𝐝𝐫𝐨𝐩𝐬 𝐨𝐧 𝐭𝐡𝐞 𝐩𝐚𝐢𝐧 – වේදනාව මත වැහි බිදු 𝐓𝐡𝐚𝐭 𝐦𝐨𝐫𝐞 𝐢 𝐭𝐫𝐲 𝐭𝐨 𝐟𝐨𝐫𝐠𝐞𝐭, 𝐓𝐡𝐞 𝐦𝐨𝐫𝐞 𝐭𝐡𝐚𝐭 𝐢 𝐫𝐞𝐦𝐞𝐦𝐛𝐞𝐫 📖️ 💙🖤 සතුට ලියලුනු, දුක වැපිරවුනු සහ කලකිරීම් මෙන්ම පසුතැවීම් කම්මුල් පහර ගසන සෑම විටෙකදීම 𝐑𝐚𝐢𝐧𝐝𝐫𝐨𝐩𝐬 𝐨𝐧 𝐭𝐡𝐞 𝐩𝐚𝐢𝐧 හි හිස් පිටු මා අතින් පින්තාරු විය… __________________________ බිදී ඇති හිත්, තැලී ඇති හිත්, යන්තමින් අමුනාගෙන යලි අටවාගෙන ඇති හිත්, දුර්භික්ෂයෙකින් පසු නැවතත් යලි පන ගසමින් ඇති හිත්, තටු විහිදුනු හිත්, පියෑඹූ හිත්, හිරිමල් තරුණ හිත්, ආදරණීය ස්පර්ශ තටු අකුලාගෙන ඇති වියපත් හිත් සහ ප්‍රේමණීයම ශුංගාර තවමත් යාන්තමින් හෝ මුලු ගැන්වී ඇති මහලු හිත්, පැමිණ Raindrops පිංතාරුව මත සැතපෙන්න… 💙🖤🩶 ✍️ Shashendry Rajapaksha 📖️ #raindrops_on_the_pain

කවි ලියැවුණේ ම

මට ඔබව තදින් බදා වැලඳ
සිපගන්න ම සිතුන දිනවල ය.

“මේ දැන් දකින්න ඕනමයි” කියන…
දඩබ්බර හිත හා යුද වදින මොහොතක ය.

නුඹ ළඟම දැවටීම
ඔය ඇස් අසල ගැවසීම
හීනයක දවටා
හිත එතුළ ගිලී සැනසෙනා විට දී ය

කවි තප්පරක් ස්වයංවාරණ තිබ්බත්
හුස්මක් පාසා ම ඵ් සියලු දේ රැක්කත්,

හුඟක් කවි ලියවුණේ ම

නුඹව ම ඇවැසියි කියා හිත
මුරණ්ඩු ම වුණ දවසට ය.

අහුලා ගත්ත හුස්ම රොත්තක
කොටලා එවමි පපු කැවුත්තම
ඇල්කොහොල් ගෑවුන
පෑනෙන් කොනිත්තන
දුක්බරම ගීයක් වේවා උඹට
අතීතය අස්සේ
හොය හොයා කිමිද්දන

‘හිතේ කෙටූ ටැටූ’ කාව්‍ය සංග්‍රහය නූතන සිංහල කවිය සහ එහි සමාජ මාධ්‍ය ආගමනය පිළිබඳව හදාරන්නෙකුට මඟහැර යා නොහැකි කෘතියක් ලෙස හැඳින්වීම අතිශයෝක්තියක් නොවේ.