එකපාරටම සටපට සත්තපඩි වෙන්න මේ මෑණියෝ කෑ ගහන්න පටන් ගත්තා.

“හහ් හහ් හහ් පිරිසිදු නෑ පිරිසිදු නෑ මේකි පිරිසිදු නෑ… මට කියවෙන්නෙ නෑ සාස්තරේ..” මම අන්දුන් කුන්දුන් උඩ බැලුවා බිම බැලුවා. ගෑනි මට ඔරෝනවා. බෝඩිමේ අක්කයි අයියයිත් මූණ දිහා බලනවා.

“අපි දවල් චිකන් කාපු හින්දද දන්නෙ නෑ”

අයියා අක්කගෙන් ඇහුවා. මෑණි අඩි පොළොවෙ හැප්පුවා. කොණ්ඩෙ කඩා ගත්තා ත්‍රිශූලයකුත් ගත්තා කාලි මෑණියක්ගේ පිළිමෙ ගාවට ගිහින් අම්මා අම්මා චුස් බුස් වැස් ආම ආමා ගගා මොනවද කිව්වා. ඊට පස්සෙ හැරුණා බෝඩිමේ අක්කා දිහාට හෙනම කරුණාවෙන් ”අම්මා කවුද මේකි මේකි පිරිසිදු නෑ ශුද්ධ භූමිය කිළුටු කළා අම්මා මෙකි. මට සාස්තරේ කියවෙන්නෙ නෑ අම්මා මේකි කිටු එකියක්..”

යකඩෝ මේ ගෑනි මේකි මේකි ගගා කියවන්නෙ මට ත්‍රිශූලේ උලුක් කරන්නෙ මට අනින්න වගේ මට නැග්ගා අසූහාරදාහට මම කිව්ව මම එන්න කලින් නාල ආවෙ කියල උදේ නාල ඔෆිස් ගිහින් ඇවිත් වොශ් දාල නිදාගන්න කලින් ආපහු ඇඟ හෝදන මට පිරිසිදු නෑ කියල කියද්දි කාටද ඉවසන්න පුළුවන්. බෝඩිමේ අක්කත් කිව්වා,
මෑණියනි මේ නංගි හැමදාම නානවා” කියලා.