විෂ්-Wish

මූසල මීදුම මුළු පරිසරයම වෙළාගෙන තිබුණි.

සුදු හා කළු වස්ත්‍ර හැඳගත් ගැහැනු හා පිරිමි මීදුම්

කළුවර අතරින් සුවිසල් මැඳුරින් පිටතට පියමං

කළේ දේහය රැගත් වාහනය පිටුපසිනි.

මීදුම මැදින් ගලනා සීතල සුළං ධාරාව කියා පෑවේ

සොඳුරු යෞවනයකුගේ වියෝව පරිසරයටද

දරාගත නොහැකි බවය. වසර ගණනාවක් පුරා

සිදු වූ සියලු හැලහැප්පීම් හා රහස් දරාගෙන

සුවිසල් මන්දිරයටද නිසලව බලා සිටිනවා හැර

කරන්නට වෙනත් යමක් නොතිබුණි.

ඒ සුවිසල් මැඳුරේ බිත්තිවලට කතා කළ හැකි නම්,

මෙතෙක් කාලයක් පුරාවට වූ මහා ඛේදවාචක

නොබියව ලොවට පවසනු ඇත.

එහෙත් ඒ වන විට සියල්ල සිදු වී හමාරය