මිහිරි මිදි අතු-Mihiri Midi Athu

මත් කෙරෙන කවි වතුර

තෙත් හාදු බොන අතර

අත් දෙකේ ඔබ නිතර

ගුලිවෙලා හුන්

හිත් උයනෙ වී නතර

පත් ප්‍රේමයේ වැතිර

තත් වයන ගී මතුර

නැළවුණේ මං

මීදුමේ කඳු පතුල

සිහිකෙරෙන ඔය කොපුල

තුෂර පිනි කඳුලෙකත්

පිපුණේද මල්

ඒ මලෙක සිනිඳුවට

ලියූ වැහි ප්‍රස්තාර

ගීතවත් සානුවේ

ප්‍රේමයකි දැන්

පටු වීදි කෙළවරෙක

අලව අලවා දෙඇස

බැල්මකින් ඇල්ම පා

සැඟවුණේ නම්

නිල් අහසෙ වී නතර

රිදව රිදවා මතක

නැතිද තරු එළියකට

හදවතක් යම්.?